韓燒連鎖店 一級五花肉套餐性價比高

聽講呢間韓燒質素唔錯而且好抵食 套餐最平$688就有好多嘢食 第一次食就試下最平呢個「一級五花肉套餐」，另外再散嗌熟食 ✨一級五花肉套餐 $688 套餐包括五花肉、三款牛肉、蘋果梨汁雞肉、鱈魚同薯仔排骨湯 五花肉係薄切，燒得表面微脆而且唔油膩，適合就咁蘸鹽同wasabi包生菜食 牛肉有齊三個部位，和牛牛五花同牛小排油脂豐富呈雪花紋 安格斯牛外裙肉醬汁帶點甜味，肉質有咬口肉味濃郁 雞肉用梨汁醃得好入味，食落甜甜地好好味好有驚喜 薯仔排骨湯啲排骨煮得入味軟腍，味道都唔錯 ✨生牛肉石頭鍋飯 $98 生牛肉同生蛋黃撈埋飯後，牛肉變得半熟 石頭鍋夠熱保溫效果好好，而且有飯焦 最特別係有炸蒜同青蔥，好惹味😋估唔到咁夾 ✨海鮮煎蔥餅 $138 好足料嘅海鮮餅，有齊蝦、蜆肉、魷魚等等 煎得乾身表面香脆唔太油膩 ✨荔枝生米酒 $158 生米酒口感順滑，味道偏甜帶點荔枝味，酒味唔突出容易入口 份量都唔少，兩至四個人share都夠